+زواج الصالونات .......ام قصة حب قبل الزواج .....؟

اصدقائى الحبايب ......
+زواج الصالونات هو
+ان عريس يتقدم لعروسة من غير سابق معرفة ........
+بمعنى انة عريس شاف عروسة فى اجتماع فى الكنيسة
عرف اسمها ونمرة تليفون البيت من صديق واتصل باهلها او ارسل لهم
انة عاوز يجى يشرب شاى ويتعرف بخصوص العروسة فلانة
وانشاللة يصبحوا اسرةواحدة
+او ممكن يكون صديق او قريب قال لعريس على عروسة انها كويسة
بيتصلوا باهلها ويتقدم وممكن يكون مشفهاش قبل كدة ..........

1+انا سمعت طراطيش كلام ان بعض البنات مش بيحبوا الزواج بالطريقة دى
< زواج الصالونات >
لية اللة اعلم .......اية وجهة نظرهم محدش عارف..... ..حد يعرف منكم . ......؟

2+ وكمان بيقولوا ان اليومين دول بعض البنات بيحبوا انهم يعيشوا..... قصة حب
مع العريس قبل ما يتقدم وقبل الخطوبة . ....الاسباب غير واضحة حتى الان ؟
جائز عشان افلام التلفزيون والسينما كلها كدة والا حد عندة راى تانى منكم .......؟

3+وفى بنات مش بتحب ابدا يتقدم لها اى عريس متعرفهوش قبل كدة
بمعنى انة مش معاها فى الدراسة او العمل او الكنيسة يبقى مينفعش لية اللة اعلم.. .....؟

4+واللى غريب اكتر ان بعض البنات عاوزة تعيش جنب اسرتها الاصلية
ومش عاوزة تذهب الى مكان بعيدوترفض اى عريس من بلد اخر رغم ازمة السكن .........
+ان اى انسانة ممكن تكون سعيدة وهى بعيدة عن اهلهااكتر من سعادتها فى وجودها بجوارهم........
+ وكمان ممكن لا يتقدم لها اى عريس يقدر يعيشها بجوار اهلها وتندم بعد فوات الاوان ......؟

+اصدقائى ......
اتمنى اعرف رائكم خصوصا انة فى ازمة فى العرسان والبنات دى مش واخدة بالها ؟............
+ وكمان هم ناسيين قصة ابونا ابراهيم لما طلب من العازر الدمشقى
يذهب يحضر عروسة ابنة اسحق امنا رفقة
من غير ما اسحق يشوفها ولا هى شافتة ...وافقت وذهبت بعيدا عن اهلها الى بلد ابينا اسحق
واتجوزا وكانت قصة حب روحية جميلة وحياة عظيمة ......؟.......