shababdemiana

    خلاصة السكك المتعارف عليها لجعل فتاة أحلامك تأتي زاحفة إليك

    شاطر
    avatar
    koko3339
    عضو متألق
    عضو متألق

    ذكر
    عدد الرسائل : 200
    العمر : 30
    تاريخ التسجيل : 05/10/2007

    default خلاصة السكك المتعارف عليها لجعل فتاة أحلامك تأتي زاحفة إليك

    مُساهمة من طرف koko3339 في الأربعاء أكتوبر 10, 2007 3:45 pm

    الموضوع ده موجه لكل شاب دايب في واحده وهي مش هنا ..والحاجات اللي أنا هقولهالك دي هتخلى "فيرجينيا" بتاعتك تيجى زاحفة إلي باب خيمتك وأنت زى الباشا.....ده علي أساس انك الملك "آرثر" في "الناصر صلاح الدين" .......خد بقى منى أنت وهو خلاصة السكك المتعارف عليها للوصول لقلب أي بنت مجعلصة .............بس افتكروا الجمايل دي يا معلمين



    1- سكة الجيوب الثقيلة


    ويفضل اتخاذ هذه السكة إذا كانت البنت غاوية مظاهر وعايزة شاب متريش وبما انك أنت "منـتوف الريش" فعليك إتباع سياسة "الصيت ولا الغنى" .....يعني خليها دايما تشوفك واد شيك وبتلبس غالي و استايل وشايل في ايدك موبايل اتنين كاميرا (يستحسن N70 المعدل) ولابس في رجلك جزمة توكيل (يستحسن جلد طبيعي من ايطاليا لرجلك) ....أو بقي تستلف الحاجات دي كلها لحد ما تدبس الزبونة .


    2- سكة الدخول من الباب



    امشي في السكة دي إذا كانت الحاجة راسمة علي جواز وبتاع وأنت ظروفك عنب وعايز تستقر وتبطل المشي البطال .....أما إذا كانت ظروفك طبيعية ( يعني زفت ) أو كنت بتحب المشي البطال يا معلم.... يبقي سكتك المناسبة هنا هي النط من الشباك وتبقي في الخلعووون..


    3- سكة المعاناة


    للأسف هتضطر تمشي في السكة دي إذا كانت اللي عينك عليها كلها عقد وكلاكيع أو مصدومة عاطفيا ...ووقتها هاتكون مسئولية سيادتك صعبة جداااا...وهي انك تفك كل العقد دي وفي الوقت نفسه تحسسها انك غير كل الناس اللي عقدوها قبل كده وتمشي بشعار " نحن نختلف عن الآخرين " وتكون السكة دي مثاليه جداا لو كنت بقي أنت كمان مصدوم عاطفيا ومكلكع ....... وتقضوها عقد بقي أنت وهي ....بس شوفوا بقي حته بعيده طلعوا فيها عقدكو علي رواقة......


    4- سكة تلاقي الأرواح ....بس مش في فيلم رعب


    يعني يا صاحبي تحسسها دايما إن ميولك أنت وهي واحدة ورغباتكو كمان واحده ...يعني تقول انك بتحب المطرب اللي هي بتحبه و بتحب ألأكله اللي هي بتحبها و بتحب اللون اللي هي بتحبه ...وان برجك هو نفسه برجها ( شوف الصدف يا أخي ) ......وكمان لازم تكون بتكره كل وأي حاجه هي بتكرهها ...بس الطريقة دي يا معلم تستلزم منك دراسة وافية كاملة عنها ومعرفة دقيقة لكل تفاصيل حياتها ....عشان تعرف تفصل عليها تفاصيل حياتك


    - سكة التسبيل وعيون عمر الشريف


    السكة دي بقي ممكن سعادتك تسلكها بكل راحة ضمير وتحط في بطنك كمان شااااادر بطيخ صيفي مش بطيخه واحدة ....وطبعا ده إذا كانت البنوتة رومانسية وعايشة فيها دور " زبيدة ثروت " وبتدوب في الأفلام الرومانسية وبتلاقي نفسها في قصص الحب الحالمة ....ويا معلم البنت اللي زى دي تبان من عينيها ..كل ما ضاقت كل أما تخش بقلب جامد حديد يا مان ......بس خلي بالك ..متطمعش في أكتر من حب عذري ....



    6- سكة الندامة


    ودي السكة اللي أنت هتمشي فيها بإذن واحد أحد إذا طبقت النصايح اللي فاتت دي .....وده ببساطه لأن مفيش فايده......وابقوا قابلووووووني .......


    ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ




    _________________
    ــــــــــــــــــــــــــــــــــ(¯`'•.¸ \ † / ¸.•'´¯)ـــــــــــــــــــــــــــــــــــــ





    [b]اله السماء يعطينا النجاح و نحن عبيده نقوم و نبني[b]
    avatar
    minabascuta
    عضو متألق
    عضو متألق

    ذكر
    عدد الرسائل : 95
    العمر : 30
    تاريخ التسجيل : 09/10/2007

    default رد: خلاصة السكك المتعارف عليها لجعل فتاة أحلامك تأتي زاحفة إليك

    مُساهمة من طرف minabascuta في الخميس أكتوبر 11, 2007 1:50 pm

    هههههههههههههههههههههههههههههههه

    جامد اوي يامان
    ممكن تبعتلي كمان شويه نصايح من دي[/size]
    avatar
    adel_sabry2005
    عضو متألق
    عضو متألق

    ذكر
    عدد الرسائل : 176
    العمر : 36
    تاريخ التسجيل : 15/11/2007

    default رد: خلاصة السكك المتعارف عليها لجعل فتاة أحلامك تأتي زاحفة إليك

    مُساهمة من طرف adel_sabry2005 في الخميس نوفمبر 29, 2007 1:30 pm

    طب مفيش سكة ابو زيد الهلالي

    besho
    عضو متألق
    عضو متألق

    ذكر
    عدد الرسائل : 46
    العمر : 29
    تاريخ التسجيل : 11/10/2007

    default رد: خلاصة السكك المتعارف عليها لجعل فتاة أحلامك تأتي زاحفة إليك

    مُساهمة من طرف besho في الخميس ديسمبر 13, 2007 5:00 pm

    جامد جداااااااااااااااااااااااااااااااااااااااااااااااااااااا

      الوقت/التاريخ الآن هو الجمعة ديسمبر 14, 2018 7:59 am